Bank böyük miqdarda pulun saxlandığı və maliyyə əməliyyatlarının aparıldığı yerdir. Buna görə də, bankdakı videomüşahidə sistemi təhlükəsizlik və nəzarət baxımından çox böyük rol oynayır. Videomüşahidə sistemi bank sektorunda ümumi təhlükəsizliyi təmin etmək, həm ziyarətçilər, həm də bank işçiləri tərəfindən qanunsuz hərəkətlərin vaxtında qarşısını almaq,  habelə hadisələri və fövqəladə halları araşdırmaq üçün ideal vasitədir.

Bundan əlavə, iş prosesinin getdiyi otaqda kameraların olması işçiləri daxili qaydalara ciddi riayət etməyə və hətta xoşagəlməz müştərilərlə belə nəzakətli olmağa sövq edir. Kamera sisteminin quraşdırılması bank sahəsindəki texnoloji proseslərə nəzarət etmək üçün də istifadə edilə bilər.

Eləcə də, işçilərin işini optimallaşdırmaq üçün video materialların toplanması üçün yararlıdır.

Biz bankda İP video müşahidə kameralarının qurulmasını tövsiyə edirik. Belə ki, kassa aparatında nağd pul əməliyyatlarına nəzarət çox yüksək səviyyədə olmalıdır. İP nəzarət kameraları bu işin öhdəsindən gələ bilər.

Bankda videomüşahidə sistemi aşağıdakı zonalara quraşdırılmalıdır:

*  Bankın girişində və küçədə olan bankomatlarda. Kameranın zədələnmə riski varsa, korpusu metal və polikarbonatdan olan anti-vandal kameradan istifadə etmək tövsiyə olunur. Bankomatın ərazisindəki kameralar, ilk növbədə, bankomatları sındırmaq cəhdlərinə nəzarət etmək və müştərinin qəbuledici vasitəsilə depozitə qoyduğu pulun hesaba daxil olmadığı zaman yaranan mübahisələri həll etmək üçün nəzərdə tutulub.

* Əməliyyat və iclas otaqlarında

Bu sektorlarda video nəzarət bir neçə problemi həll etmək üçün nəzərdə tutulub:

* İşçi heyəti tərəfindən daxili göstərişlərin yerinə yetirilməsinə

* Müştərilərlə ünsiyyət qaydalarına nəzarət edilməsinə

* İşin keyfiyyətini qiymətləndirilməsinə

* Münaqişəli vəziyyətlərin təhlilinə köməklik etməsinə

* Münaqişə baş verdikdə bankın əmlakına dəyən zərərin və bank işçilərinin sağlamlığına dəyən zərərin uçotunu aparılmasına

Bu zonada Dome (gümbəz) formalı İP video müşahidə kameralarından istifadə etmək məqsədəuyğundur. Dome kameralar bütün interyerə uyğun gəlir; istər tavana, istərsə də divara quraşdırmaq mümkündür.

Əməliyyat otağında IP kameraları quraşdırarkən yeri düzgün seçmək vacib amildir. Bunu başardıqda "kor zonaların" ölçüsü minimuma enəcək və ya ideal olaraq tamamilə aradan qalxacaq.

*Xəzinədarlıq

Bu zonada əskinasların köçürülməsi və ya hesablanması həyata keçirilir. Burada həm təsadüfi səhvə görə, həm kassirlərin, həm də bank müştərilərinin qəsdən fırıldağına cəhd edərkən münaqişələr mümkündür.

Belə halları istisna etmək üçün nəzarət kamerası ideal vasitədir.